Plattdeutsche Bildungsangebote 2019

 

Dat steiht in'n Bildungsflyer 2019

De Plattsnacker ut de Region vun'n Lümborgschen Landschapsverband hebbt all ganz schön veel plant för 2019. Dat gifft Kursen an de Volkshochscholen, dor kann een Platt schrieven, lesen or eenfach blots snacken lehren. Butendem finnt een ok Veranstalten för Schoolmesters or Lüüd, de mit ganz lüttje Kinner in'n Kinnergoorn Platt snacken wüllt. In Harmsborg künnt Grootöllern mit jümehr Grootkinner plattdüütsche Feriendaag verbringen. All dat, wat een weten mutt, dat finnt een in den frischen Bildungsflyer 2019 vun'n Lümborgschen Landschapsverband. Den kann een ganz eenfach mit en "Klick" rünnerladen or bi us bestellen.

Download Programmflyer "Bildungsangebote 2019".

Platt lehren in't Internet - för Plattsnackers un de dat warrn wüllt

Siet Januarmaand laadt dat Lännerzentrum för Nedderdüütsch to Plattdüütschstünnen per Webinar in. Dat LzN freit sik op Interesseerte, de de Spraak sülvens öven oder wat över de Spraak to weten kriegen wüllt. Mit Computer, Headset un lütte Kamera maakt wi us tosamen op Endeckungsreis dörch dat Plattdüütsche. De LzN-Webinare sünd kostenfree. Se warrt finanziell stütt vun de Beopdragde vun de Bunnesregeren för Kultur un Medien.

Dat Progamm kann hier ankeken warrn.