Plattdüütsch Leeswettstriet 2023: Dit Johr weer so as jümmers!
Termine un Öörd vun de Kreisentscheide in den Plattdüütschen Leeswettstriet 2023 staht fast:
25. April 2023 für den Landkreis Heidekreis in der Cordinger Mühle, Am Mühlenhof 8a, 29699 Walsrode
9. Mai 2023 für den Landkreis Harburg im Freilichtmuseum am Kiekeberg, Am Kiekeberg 1, 21224 Rosengarten-Ehestorf
10. Mai 2023 für die Landkreise Uelzen und Lüchow-Dannenberg in der Drawehn-Schule Clenze, Uelzener Str. 10, 29459 Clenze
11. Mai 2023 für den Landkreis Lüneburg in der Hugo-Friedrich-Hartmann-Oberschule, Große Worth 4, 21357 Bardowick
Termin un Oort vun de Bezirksentscheid:
31. Mai 2023 für den Bezirk Lüneburg in Suderburg
Fragen kann een dorto Wiebke Erdtmann (E-Mail: wiebke.erdtmann[ät]rlsb.de).
De Entscheid op Lannesebene finnt statt an'n 12. Juni in Hannover.
Rückblick Plattdüütsch Leeswettstriet 2021: Anners as wi dat kennt!
De Leeswettstriet 2021 kunn wegen de Pandemie nich so stattfinnen, as een dat kennen deit.
2000 Schoolkinner in Neddersassen hebbt aver trotzdem flietig dat Lesen op Platt öövt un denn in jümehr Schoolen an den Wettstriet deelnummen. De besten Lees-Bidrääg sünd dorbi opnummen un achteran as Tondokumente för den Lannesentscheid insendt worrn.
Ut den Landkreis Lümborg hebbt to'n Bispeel de Hermann-Löns-Grundschool ut Lümborg un de Hugo-Friedrich-Hartmann-Oberschool ut Bewick mitmaakt. Beide Schoolen sünd ok uttekent as plattdüütsche Schoolen. Stütt hebbt de Schölers vun jümehr Schoolmesters, Urte Gehrckens-Gärtner bzw. Margaretha Stumpenhusen, un butendem vun ehrenamtlich Plattsnackers kregen. Deelnummen hebbt ok Schoolkinner vun de Grundschool Tostedt in'n Landkreis Horborg.
De Plattdüütsch-Beopdragte för den Landkreis Gifhorn, Anneliese Leffler, hett sik dorför insett, dat ok Schölers un Schölerinnen an'n Lesewettstriet deelnehmen kunnen, de in jümehr Scholl vun Schoolmesters bi't Plattdüütsch Lesen keen Stütt kriegen kunnen.
In de Jury hebbt dit Johr blots Beraters vun de regionalen Lannesämter för School un Bildung seten, aver keeneen Ehrenamtlichen. De Jury hett in'n Ganzen 277 Tondokumente kregen un 32 dorvun uttekent. Veer Siegers kaamt ut de Region vun den Lümborgschen Landschapsverband. Se kriegt jümehr Priesgeld vun de hiesigen Spoorkassen (Sparkasse Harburg-Buxtehude, Sparkasse Lüneburg, Sparkasse Celle-Gifhorn-Wolfsburg). Wiebke Erdtmann hett de Deelnehmers, in ehr Funkschoon as Beratersch för Plattdüütsch vun dat Lannesamt för School un Bildung (Landkreisen Horborg, Lümborg un Heidekreis) graleert.
De Lümborgsche Landschapsverband graleert vun Harten! 2023 müchen wi uns denn giern weer to'n Lannesentscheid in Hannover drepen.
Bavento informeert de Spoorkassen-Stiften Neddersassen op ehr Homepage över den plattdüütschen Lesewettstriet 2021.
